Friday, December 3, 2010

கத்தார் - Expect amazing

Expect amazing.. இதுதான் தாரக மந்திரம். கத்தார் வரும் 2022 ல் நடைபெறவிருக்கும் உலகக் கோப்பை கால்பந்தாட்டத்தை நடத்தும் போட்டியில் வெற்றி பெற்றதன் பின்னணி. 2022 ல் உலக கால்பந்து போட்டியை நடத்துவதற்கான உரிமையைப் பெறுவதில் கடும் போட்டி இருந்தது. உலக ‘அண்ணாச்சி’ அமெரிக்கா, தென் கொரியா, ஜப்பான், ஆஸ்திரேலியா ஆகிய நாட்களுடன் போட்டியிட்டது. அமெரிக்காவிலும், தெற்காசியாவிலும், ஐரோப்பாவிலும் உலக கோப்பை பல முறை நடைபெற்றாலும் மத்தியகிழக்கு நாடுகளுக்கு வரவில்லை என்ற குறை இருந்து கொண்டே இருந்தது...

அந்த குறை நேற்றுடன் தேர்ந்து விட்டது. கத்தார் உலகக் கோப்பையை நடத்துவதற்கான போட்டியில் இருந்த போது கடுமையான விமர்சனங்களை நேரிட்டது. கத்தார் அவைகளை எதிர்கொண்ட விதம் சுவாரஸ்யமானது. போட்டிக் கமிட்டியின் தலைவராக நியமிக்கப்பட்ட ஷேக் முஹம்மது பின் ஹமாத் அல் தானியின் இளமைத் துடிப்பும் நிதானமான நடவடிக்கைகளும் குறை சொல்லியவர்களின் வாயை மூட வைத்தது.

பொதுவாக வளைகுடா அராபிய நாடுகள் என்றாலே பயத்துடன் வாயைப் பிளக்கும் மேற்கத்தியவர்களையே காணலாம். ஆனால் இங்கு வந்து வேலை செய்யும் மேற்கத்தியவர்களுக்குத் தான் தெரியும் இதன் அற்புதங்கள். பொதுவாக அமெரிக்க, ஐரோப்ப்பிய, ஆஸ்திரேலியர்களுக்கு உலகமே அவர்கள் நாடு போலவும், மற்றவர்கள் எல்லாம் காட்டுமிராண்டிகள் போலவும் தான் இருக்கும். கூகுளில் world cup qatar 2022 என்று கொடுத்து Latest தேடலில் இருந்த போது தான் பலரின் வயிறு எரிந்ததைக் காண முடிந்தது.

இனி எல்லாவற்றிற்கும் பதிலை களத்தில் காட்ட இருக்கின்றோம். சிறிய நாடு, ஸ்டேடியங்கள் குறைவு, போக்குவரத்து வசதி, பாதுகாப்பு, உச்சபட்ச வெப்பநிலை என்றேல்லாம் குறைகள் மேற்கத்திய மீடியாக்களில் மூலம் நேரடியாகவும், மறைமுகமாகவும், அள்ளித் தெளிக்கப்பட்டன.

மொத்தம் 12 ஸ்டேடியங்கள். அனைத்தும் முழுவதும் அரசாங்கத்தின் முதலீட்டில் கட்டப்பட இருக்கின்றன. பணம் ? எங்கள் அரசாங்கத்துக்கு பணம் என்பது ஒரு பொருட்டே அல்ல... இன்னும் 200 வருடங்களுக்கு அறிப்பட்ட இயற்கை வாயு, எண்ணைய் வளம் இருக்கின்றது. சில கிமீ துரத்திற்குள் ஸ்டேடியங்கள் அனைத்தும் பறக்கும் ரயில் திட்டத்தின் கீழ் ஒன்றுடன் ஒன்று இணைக்கப்படுகின்றன. பல ஸ்டேடியங்களுக்கு கடல் வழியில் ரசனையான படகுகள் மூலம் போக்குவரத்து ஏற்பாடு செய்யப்பட இருக்கின்றது.

பாதுகாப்பு என்பது கத்தாரில் ஒரு பிரச்சினையே இல்லை. உலகில் எந்த இடத்தில் இருப்பதையும் விட கத்தாரில் இருப்பதை பாதுகாப்பாக இங்கே உள்ளவர்கள் உணர்வார்கள். வெப்பநிலை... ஆம்.. இதுதான் பெரும் பிரச்சினையாக உலக நாடுகளால் சொல்லப்பட்டது. போட்டி நடக்கும் ஜூன், ஜூலையில் வெப்பநிலை 130 டிகிரி வரை (50 பாரன்ஹீட்) செல்லும். இதை அதே நாடுகளின் தொழில்நுட்பங்களைக் கொண்டே வெற்றி கொள்ள இருக்கின்றோம். ஸ்டேடியம் முழுவதும் நவீன தொழில் நுட்பத்தில் குளிர்விக்கப்படும். சுமார் 20 டிகிரி (74 பாரன்ஹீட்) செல்சியஸ் வெப்பநிலையில் ஆட்டம் நடக்கும். ஸ்டேடியங்கள்

ஸ்டேடியம் முழுவதும் பாரம்பரியமான முறையில் அமைக்கப்படுகின்றது. பொதுவாக இது போன்ற போட்டிகளை நடத்தி முடித்த உடன் ஒரு சிக்கல் எழும். இவ்வளவு பணம் போட்டி கட்டப்பட்டவை ஸ்டேடியங்களை, ஆடுகளங்களை என்ன செய்வது என்று? கத்தார் அதற்கு தகுந்த பதில் வைத்துள்ளது. இந்த ஸ்டேடியங்கள் அனைத்தும் போட்டிகளுக்குப் பின் மூன்றாம் உலக நாடுகளுக்கு இலவசமாக வழங்கப்படும் என்பதே... முதல் 5 ஸ்டேடியங்களில் அமைப்பை கீழே உள்ள வீடியோவில் காணலாம்.



உலக கோப்பை கால்பந்து 2022 ஐ நடத்துவது கத்தார் என்று அறிவிக்ப்பட்ட உடன் கமிட்டித் தலைவர் ஷேக் முஹம்மது பின் ஹமாத் அல்தானி கூறியது இதுதான்.



"Thank you for believing in change, Thank you for believing in expanding the game, Thank you for Qatar giving a chance, and we will not let you down, you will be proud of us, and you will be proud of the middle east, and i promised to you this "

இன்னும் 12 ஆண்டுகளே இருக்கு... இன்னும் 12 ஸ்டேடியம் கட்டனும், ஏர்ப்போர்ட் விரிவாக்கம் செய்யனும், மெட்ரோ ட்ரெயின் போடனும்... நாங்க இனி ரொம்ப பிஸியாக்கும்... ;-)

கத்தாரின் மீது நம்பிக்கை வைத்தவர்களுக்கு நன்றி! வென்று காட்டுகின்றோம்.

EXPECT AMAZING!

13 comments:

ராமலக்ஷ்மி said...

//உலக கோப்பை கால்பந்து 2022// ஓங்கி உதைத்து (உங்களையல்ல) உங்கள் வலைப்பக்கத்தை திறந்துவிட்டுள்ளது:))!

//இன்னும் 12 ஆண்டுகளே இருக்கு... இன்னும் 12 ஸ்டேடியம் கட்டனும், ஏர்ப்போர்ட் விரிவாக்கம் செய்யனும், மெட்ரோ ட்ரெயின் போடனும்... நாங்க இனி ரொம்ப பிஸியாக்கும்... ;-)

கத்தாரின் மீது நம்பிக்கை வைத்தவர்களுக்கு நன்றி! வென்று காட்டுகின்றோம்.//

நல்லது:)! உற்சாகம் கொப்பளிக்கும் பதிவு.

எஸ்.கே said...

expect amazing!
excited!

பீர் | Peer said...

என்னது ஏகப்பட்ட வேலை இருக்கா? தோள் கொடுக்க வரவா தோழா?

ஆயில்யன் said...

ரைட்டு :)

//பீர் | Peer said...

என்னது ஏகப்பட்ட வேலை இருக்கா? தோள் கொடுக்க வரவா தோழா?//

வாங்க வாங்க என்று இருகரம் கூப்பி அழைக்கிறார் தமிழ்(ப்) பிரியன்

தமிழன்-கறுப்பி... said...

ஏதோ நீங்களே பிளான் பண்ண மாதிரி, நீங்கதான் நடத்த போறமாதிரில்ல இருக்கு :)

இருந்தாலும் பிஸியாகப்போறது என்னவோ உண்மைதான்.

:)

Rithu`s Dad said...

உற்சாகம் கொப்பளிக்கும் பதிவு!! கத்தாருக்கு வாழ்த்துக்கள்..

உங்க ஊர் அரபிக் பத்திரிக்கைக்கு அனுப்பி வையுங்கள்.. இதை மொழிபெயர்த்து இட்டாலே உணர்ச்சிப் பெருக்கோடும்..

கானா பிரபா said...

போனாப் போவுதுன்னு விட்டுக்கொடுத்திட்டோம், ஆஸிக்கு எப்பவுமே எளகிய மனசு

ஹுஸைனம்மா said...

எப்போத்திலருந்து கத்தார் குடிமகன் ஆனீங்க? அப்ப உங்களையும் நாடு கடத்திட்டாங்களா? என்ன படம் வரைஞ்சீங்க? :-))))))

வாழ வைக்கும் நாட்டையும் தன் நாடு போலவே எண்ணி பெருமிதம் அடையும் உங்கள் நல்லெண்ணத்திற்கு வாழ்த்துகள்!!

எம்.எம்.அப்துல்லா said...

// நாங்க இனி ரொம்ப பிஸியாக்கும்... ;-)

//

அண்ணே கத்தார் போனதில இருந்தே பிஸியாத்தான் இருக்கீங்க.இனி இது வேறயா??

:))

Thamira said...

கத்தார் குடிவாசியாகவே ஆயிட்டீங்க போங்க.. குட் ஆர்டிகிள்.

Meena said...

விரைவில் ஒரு ஸ்டேடியம் சென்று மேட்ச் பார்க்கும் ஆசையை தூண்டி விட்டு விட்டீரே !

Loving kanyakumari said...

Annan wats going on njoy

நானானி said...

//வாழ வைக்கும் நாட்டையும் தன் நாடு போலவே எண்ணி பெருமிதம் அடையும் உங்கள் நல்லெண்ணத்திற்கு வாழ்த்துகள்!!//

அதே...அதே...!

தாமதமான பின்னூட்டம். ஆனாலும் உங்களது, நல்ல கண்ணோட்டம்!!

வாழ்த்துக்கள்!!!