மின்சாரத்தைப் பயன்பாட்டைக் குறையுங்கள் - முதல்வர் உருக்கமான வேண்டுகோள்!

சமீபத்திய மின்வெட்டுகள் குறித்து மாநில உயரதிகாரிகளுடன் உரையாற்றிய முதல்வர் அவர்கள், அதற்குப் பின் செய்தியாளர்களுக்கு பேட்டி அளித்தார்.

“தினமும் சராசரியாக 6 மணி நேரத்துக்கு மேல் அறிவிக்கப்பட்ட மின் வெட்டு இருந்து வருகின்றது. இந்நிலையில் நிலக்கரியில் இயங்கக் கூடிய மின் உற்பத்தி நிலையங்கள் அமைக்கவும் ஏற்பாடுகள் தீவிரமாக ஏற்பாடுகள் நடைபெற்று வருகின்றன. மாநகரில் மட்டும் சுமார் 400 மெகாவாட் வரை மின் தட்டுப்பாடு நிலவுகிறது. எனவே மக்கள் மின்சாரத்தை மிகக் குறைந்த அளவே பயன்படுத்த வேண்டும்”

இது தமிழக முதல்வர் அளித்த பேட்டி அல்ல... பாகிஸ்தானின் சிந்து மாகாணத்தின் முதல்வர் சையது கைம் அலி ஷா அளித்த பேட்டி.... சிந்து மாகாண தலைநகரும், பாகிஸ்தானின் வியாபாரத் தலைநகருமான கராச்சியில் தொடர்ச்சியான மின் வெட்டுக்களால் பல மாதமாக மக்கள் அவதிப்பட்டு வருகின்றனர். இது குறித்து கராச்சி மின் துறை அதிகாரிகளுடன் கலந்தாலோசித்த பின் இதை அவர் தெரிவித்தார்.

http://www.nation.com.pk/pakistan-news-newspaper-daily-english-online/Regional/Karachi/24-Sep-2008/Loadshedding-continues

http://www.dawn.com/2008/09/23/local14.htm

http://www.thenews.com.pk/daily_detail.asp?id=137578

தமிழ்நாட்டில் இருந்து கொண்டு பாகிஸ்தான் செய்திகளைக் கொடுக்கிறியே? இதெல்லாம் நியாயமா இருக்கா என்று கேட்காதீர்கள். நான் பிறக்கும் போதே தி.மு.க. காரன். அதிமுக கோட்டையா எங்க தொகுதி இருக்கும் போதே, தி.மு.கவிற்கு நேரடியா பிரச்சாரம் செய்பவர்கள்.

இப்ப மாநிலத்தில் இருக்கும் மின் வெட்டுக்கு என்ன காரணம் சொல்வது என்று தமிழினத் தலைவர் திணருவதால் அவருக்கு எடுத்துக் கொடுக்கவே இந்த பதிவு. கேரளா, கர்நாடகா, ஒரிசா எல்லாம் சொன்னா மக்கள் ஏத்துக்க மாட்டாங்க.

தமிழ்நாட்டில் மட்டுமா மின் தட்டுப்பாடு இருக்கு... பாகிஸ்தானில் கூடத்தான் மின் தட்டுப்பாடு நிலவுது. சிந்து மாகாணத்தில் என்ன கழகத்தின் ஆட்சியா நடக்குது நடக்குது என அடுத்து கேள்வி எழுப்பலாம்.

சமீபத்தில் 7000 + கோடி செலவில் புதிய நிலக்கரியில் இயங்கும் மின் உற்பத்தி நிலையத்திற்கு புரிந்துணர்வு ஒப்பந்தம் இடப்பட்டுள்ளதாம்.. என்ன புரிந்து என்ன உணர்வோ தெரியலை... நிலக்கரி கிடைக்காமல் நெய்வேலியிலேயே அப்பப்ப உற்பத்தி பாதிக்கப்படுதுன்னு செய்திகள் வருது..இதுல புதுசா நிலக்கரியில் இயங்கும் மின் உற்பத்தியாம்.... உங்களுக்கு ஓவரா இல்லியா?

மரபு சார்ந்த இது போன்றவைகளை விட்டுவிட்டு வேறு வழியை யோசிங்கய்யா...

டிஸ்கி : வீட்டில் தினமும் 8 முதல் 10 மணி நேரம் மின் வெட்டாம்... மகனுக்கு கொசு கடித்து காலெல்லாம் புண்ணாகிப் போய் விட்டது... செம கோபத்தில் இருக்கேன்...